Ադրբեջանից դեպի Նախիջևան Հայաստանի միջով հաղորդակցությունների նախատեսված ապաշրջափակումը քննադատության է արժանացել, սակայն քննադատությունից զատ, պետք է անդրադառնալ նաև լուծումներին։
Այս մասին նոյեմբերի 5-ին Երևանում կայացած «Օրբելի 2025» միջազգային ֆորումում հայտարարել է իրանցի քաղաքագետ Վալի Քալեջին, հայտնում է parstoday.ir-ը։
Նա հավելել է, որ քանի որ պոտենցիալ ճանապարհն անցնելու է Հայաստանի և Իրանի ընդհանուր սահմանով, Թեհրանում հանդես են եկել երեք առաջարկով։ Քալեջին պարզաբանել է, որ Իրանում ակնկալում են, որ այդ պոտենցիալ ճանապարհը պետք է կառուցվի հայ-իրանական սահմանից հեռու՝ Սյունիքի մարզի հյուսիսում։
«Բացի այդ, Իրանում ակնկալում են, որ ճանապարհը չպետք է խախտի Հայաստանի հետ գոյություն ունեցող ճանապարհային կապը և չպետք է խոչընդոտի իրանական բեռների տարանցմանը։ Դրա համար կարող են կառուցվել երեք կամուրջ. մեկը՝ Կարսի հետ կապ ապահովելու համար, երկրորդը՝ երկաթուղու համար, երրորդ կամուրջը՝ գազատարների և նավթատարների, ինչպես նաև էլեկտրահաղորդման գծերի ու մալուխների համար։ Նման մոտեցումը կարող է մեղմել Իրանի մտահոգությունները»,- ընդգծել է փորձագետը։
Նա հավելեց, որ Իրանում նույնպես ակնկալում են, որ Հայաստանի տարածքում գտնվող հաղորդակցությունների վրա կտարածվի բացառապես հայկական իրավազորությունը։
Հետևեք մեզ տելեգրամում
