Նոյեմբերի 6-ին Իրանի արտգործնախարար Աբբաս Արաղչին Աբու Ալի իբն Սինայի համալսարանում ունեցած ելույթում, անդրադառնալով այսպես կոչված «Զանգեզուրի միջանցքին», հայտարարել է, որը այս հարցում մշտական կապի մեջ են Հայաստանի ու Ադրբեջանի հետ: Այս մասին հայտնում է իրանական ISNA լրատվական գործակալությունը:
«Զանգեզուրի միջանցքի հարցը երկար պատմություն ունի: Այս մասով բազմիցս հայտնել ենք մեր դիրքորոշումը. չենք հանդուրժի արտաքին ուժերի ներկայությունը: Զանգեզուրի հարցում մենք կապի մեջ ենք Ադրբեջանի ու Հայաստանի հետ: Մեզ վստահեցրել են, որ որևէ սպառնալիք չենք ունենալու, սակայն մենք նաև մշտադիտարկում ենք իրավիճակը և հստակ հայտարարել ենք, որ սահմաններում աշխարհաքաղաքական փոփոխություն չենք ընդունում: Տարածաշրջանի անվտանգությունն ապահովելու լավագույն միջոցը ներտարածաշրջանային համագործակցությունն է: Մեր առաջարկած գաղափարը 3+3-ն է»,- շեշտել է իրանցի նախարարը:
Հետևեք մեզ տելեգրամում
