«Սպասում ենք երկրորդ շարժակազմին՝ Ղազախստան-Ռուսաստան-Ադրբեջան-Վրաստան-Հայաստան երթուղով»,- կառավարության նիստում հայտարարել է Նիկոլ Փաշինյանը՝ անդրադառնալով այն հարցին, որ ռուսական ցորենով բեռնված գնացքը՝ 15 վագոն, ժամանել է Հայաստան՝ Ադրբեջանի և Վրաստանի տարածքով։
Ըստ Փաշինյանի՝ դա կարևոր հանգրվան է Վաշինգտոնում ձեռք բերված պայմանավորվածությունների ու Վաշինգտոնի հռչակագրի կետերի իրագործման առումով։
«Եվս մեկ անգամ վերահաստատում եմ Հայաստանի պատրաստակամությունը՝ հենց այսօրվանից, հենց վաղվանից Մարգարայից-Կոռնիձոր ու հակառակ ուղղությամբ՝ Ադրբեջանից Թուրքիա, Թուրքիայից Ադրբեջան ապահովել բեռնատարների տարանցումը։ Լիովին պատրաստ ենք, կես ժամից էլ բեռնատար մոտենա անցակետին թե Կոռնիձորի, թե Մարգարայի կողմից, պատրաստ ենք անցումը սպասարկել»,- նշել է նա։
Հետևեք մեզ տելեգրամում
