Թբիլիսիում անցկացվել է հայ-վրացական 6-րդ իրավական ֆորումը։ Միջոցառումը բացել են Վրաստանի արդարադատության նախարար Պաատա Սալիան և ՀՀ արդարադատության նախարար Սրբուհի Գալյանը։
Գալյանը շնորհակալություն է հայտնել վրաց գործընկերոջը հյուրընկալության համար և ընդգծել, որ ֆորումը կարևոր դեր է խաղում երկու երկրի միջև գործընկերության խորացման գործում։ Նրա խոսքով՝ եվրաինտեգրման և վիզայի ազատականացման գործընթացներում Վրաստանի փորձը Հայաստանին կօգնի բարեփոխումների հաջող իրականացման գործում։
Երկու երկրի իրավական հաստատությունների ներկայացուցիչները թեմատիկ նիստերում քննարկել են մարդու իրավունքների պաշտպանության, թվային ծառայությունների զարգացման հարցեր, իրավական ոլորտում արհեստական բանականության դերը և այլն։
Երկօրյա այցի ընթացքում Հայաստանի արդարադատության նախարարության պատվիրակությունը կծանոթանա Վրաստանի արդարադատության նախարարությանը ենթակա հաստատություններում ներդրված պրակտիկային և աշխատանքային փորձին, այդ թվում՝ կայցելի Արդարադատության տուն և կանանց քրեակատարողական հիմնարկ։
Հետևեք մեզ տելեգրամում
