Եվրասիական զարգացման բանկի տվյալներով՝ Հայաստանի ՀՆԱ-ն 2025 թվականի հունվար-սեպտեմբերին աճել է 6%-ով։ ԵԱԶԲ-ն տվյալները ներկայացրել է տելեգրամյան իր ալիքում։
Այդ աճին ամենաշատը նպաստել են ֆինանսական գործունեությունը, տեղեկատվությունն ու հաղորդակցությունը, ինչպես նաև շինարարությունը (տարեկան աճ՝ համապատասխանաբար 14.8%, 18.1% և 22.8%)։
Պահանջարկի աճի հիմնական շարժիչներն են եղել տնային տնտեսությունների սպառողական ծախսերը և ներդրումները (տարեկան 10.2% և 19.6% աճ):
Արտաքին առևտրի ցուցանիշներն անցյալ տարվա համեմատ նվազել են․արտահանումը՝ տարեկան 31.5 տոկոսով, ներմուծումը՝ 25.6 տոկոսով։
Հետևեք մեզ տելեգրամում
