Վրաստանի վարչապետ Իրակլի Կոբախիձեն Business Media-ի հետ զրույցում անդրադարձել է Բաթումիի և Թբիլիսիի մաքսային կետերում ադրբեջանական բեռնատարների արհեստականորեն կանգնեցնելու թեմային։
«Ես ստուգել եմ, նման փաստ չկա։ Ինչքան ես գիտեմ, միայն մեկ մեքենա է ուշացել։ Եվ դա էլ կոնկրետ պատճառով։ Մենք պատրաստ ենք շատ բարեկամական զրույց ունենալ բոլոր հնարավոր դժվարությունների մասին»,-պատասխանել է Կոբախիձեն։
Ադրբեջանի դեսպանատունը հաստատել է փաստը և հայտարարել, որ աշխատում են վրացական կողմի հետ՝ խնդիրը լուծելու համար։
Վրաստանի եկամուտների ծառայությունը նույնպես հերքում է բեռնատարների դիտավորյալ կանգնեցումը և պնդում, որ մաքսային ծառայությունը սահուն է աշխատում։ Ըստ նրանց՝ դժվարությունները կարող են կապված լինել վարորդների կողմից փաստաթղթերի կարգուկանոնը չպահելու հետ։
Հետևեք մեզ տելեգրամում
