Ընթացիկ տարվա դեկտեմբերի 5-ին Վրաստանի կառավարությունը գործընկեր երկրներից ստացել է խնդրանք՝ Վրաստանի տարածքով Ադրբեջանից Հայաստան վառելիքի միանվագ տարանցում իրականացնելու վերաբերյալ։
Վարչապետ Իրակլի Կոբախիձեի որոշմամբ՝ «Վրացական երկաթուղիներին» անմիջապես հանձնարարվել է իրականացնել նշված բեռի միանվագ երկաթուղային փոխադրումը՝ լիովին անվճար։ Այս որոշումը հաղորդվել է պաշտոնական կողմերին։
Այս մասին տեղեկացնում է Վրաստանի էկոնոմիկայի և կայուն զարգացման նախարարությունը՝ արձագանքելով ադրբեջանական լրատվամիջոցներում տարածված տեղեկատվությանը, որ «սակագնային արգելքները խոչընդոտում են Ադրբեջանից Հայաստան երկաթուղով վառելիքի մատակարարմանը»։
«Վրաստանը եղել և մնում է Հայաստանի և Ադրբեջանի ռազմավարական, հուսալի գործընկեր երկիր։ Մենք միշտ եղել և մնում ենք տարածաշրջանում խաղաղության և համագործակցության կողմնակիցներ»,-փոխանցում է Վրաստանի էկոնոմիկայի նախարարությունը։
Հետևեք մեզ տելեգրամում
