Առողջապահության նախարար Անահիտ Ավանեսյանը ֆեյսբուքյան եթերում ներկայացրել է այն մեխանիզմը, որով 2026-ից 200.001-ից 500.000 դրամ աշխատավարձ ստացող անձանց համար գործելու է առողջության ապահովագրության վճարման նոր համակարգը։
Ըստ նրա՝ աշխատավարձից պահվելու է ընդամենը 300 դրամ՝ ներկայացնելով, թե ինչ սխեմա է գործելու։ «Եթե ձեր աշխատավարձը, հարկերը հետը, ժողովրդի լեզվով ասած՝ կեղտոտ աշխատավարձը, կազմում է 200,001-ից 500.000 դրամ, ապա ապահովագրավճարը 10.800 դրամ է։ Բայց 2026 թվականի համար պետությունն այդ 10.800 դրամից 6000 դրամը վճարելու է պետբյուջեից։
10.800 դրամից հանում ենք 6000 դրամ, ստանում ենք, որ ձեր ամսական ապահովագրավճարը կազմելու է 4800 դրամ։ Այդ 4800 դրամը ձեր գործատուն, հարկային գործակալը, պետք է վճարի առողջության ապահովագրության համար, բայց կա 4500 դրամ զինապահի դրոշմանիշային գումարը, որը 5500-ից նվազեցվել է մինչև 1000 դրամ, ուստի՝ մնացած այդ 4500 դրամը գործատուն ուղղելու է առողջության ապահովագրությանը։ Տակը մնում է ընդամենը 300 դրամ։ Այսինքն, ձեր աշխատավարձից վճարվելու է առողջության ապահովագրության համար ընդամենը 300 դրամ»,–ասել է նախարարը։
Հետևեք մեզ տելեգրամում
