Կատարում ավարտվել է 2025 թվականի աշխարհի արագ շախմատի առաջնությունը: Տղամարդկանց առաջնությանը մասնակցել են 64 երկրների 247 շախմատիստներ, այդ թվում՝ 126 գրոսմայստերներ:
Աշխարհի չեմպիոն է դարձել Մագնուս Կարլսենը, ով 13 հնարավորից վաստակել է 10.5 միավոր:
Հայաստանը ներկայացնող շախմատիստներից լավագույն արդյունքները ցույց են տվել Շանթ Սարգսյանը և Հայկ Մարտիրոսյանը, ովքեր վաստակել են 8 միավոր: Շանթը և Հայկը զբաղեցրել են համապատասխանաբար 38-րդ և 51-րդ հորիզոնականները:
ԱՄՆ-ն ներկայացնող հայ շախմատիստ Սամուել Սևյանը վաստակել է 9 միավոր և կիսել 6-րդ հորիզոնականը՝ լրացուցիչ ցուցանիշներով զբաղեցնելով 11-րդ հորիզոնականը:
Կանանց առաջնությանը մասնակցել են 42 երկրների 141 շախմատիստուհիներ, այդ թվում՝ 23 գրոսմայստերներ և 32 միջազգային վարպետներ:
Աշխարհի չեմպիոնուհի է դարձել Ալեքսանդրա Գորյաչկինան, ով 11 հնարավորից վաստակել է 8.5 միավոր: Նույնքան միավոր են վաստակել նաև Չժու Ջիները և Համպի Կոներուն: Չեմպիոնը որոշվեց թայ-բրեյքում:
Հայ շախմատիստուհիներից լավագույն արդյունքը ցույց են տվել Լիլիթ Մկրտչյանը, ով վաստակել է 7 միավոր և կիսել 15-րդ հորիզոնականը: Միայն լրացուցիչ ցուցանիշներով Լիլիթը զբաղեցրել է 29-րդ հորիզոնականը:
Կայծակնային շախմատի առաջնությունը տեղի կունենա դեկտեմբերի 29-ից 30-ը:
Հետևեք մեզ տելեգրամում
