Դեկտեմբերի 29-ին կայացել է Ադրբեջանի արտաքին գործերի նախարար Ջեյհուն Բայրամովի և Վրաստանի արտաքին գործերի նախարար Մակա Բոճորիշվիլիի հեռախոսազրույցը։
Ըստ ադրբեջանական կողմի հաղորդագրության՝ նախարարները քննարկել են երկու երկրների միջև բարեկամական և ռազմավարական գործընկերության ներկա վիճակը և հեռանկարները։ Նախարարներն ընդգծել են, որ առկա բարձր մակարդակի քաղաքական երկխոսությունը, ինչպես նաև տեղի ունեցած ինտենսիվ այցելությունները նպաստել են հարաբերությունների հետագա ամրապնդմանը։
Կողմերը քննարկել են տարածաշրջանում առևտրի և հաղորդակցության հարցերը՝ ողջունելով այս ոլորտում ջանքերը:
Նախարարները գոհունակությամբ նշել են Վրաստանի միջոցով ադրբեջանական նավթամթերքի՝ Հայաստան արտահանման հետ կապված սակագների վերաբերյալ ձեռք բերված համաձայնությունը, ընդգծել են այս ոլորտում աշխատանքները շարունակելու կարևորությունը:
Բայրամովը շնորհակալություն է հայտնել Վրաստանի ղեկավարությանը այս հարցի արագ լուծման համար:
Հետևեք մեզ տելեգրամում
