2025 թվականին Ադրբեջանում ոչ մարտական պայմաններում անվտանգային կառույցների նվազագույնը 42 զինծառայող է մահացել: Այս մասին հայտնում են ադրբեջանական ընդդիմադիր լրատվամիջոցները:
Զինծառայողներից 12-ը մահացել է տարբեր հիվանդությունների, 10-ը՝ ինքնասպանության, 7-ը՝ ավտովթարի, 7-ը՝ տարբեր պատահարների (ձնահյուս, ջրահեղձում, գազի արտահոսք և այլն), 2-ը՝ «անօրինական գործողությունների», ևս 2-ը՝ ականի պայթյունի հետևանքով, իսկ ևս 2-ի մահվան պատճառը մնացել է անհայտ։
Մահացած զինծառայողներից 24-ը եղել են պաշտպանության նախարարության, 11-ը՝ պետական սահմանապահ ծառայության, 2-ը՝ արդարադատության նախարարության, 2-ը՝ արտակարգ իրավիճակների նախարարության, 1-ը՝ նախագահի անվտանգության ծառայության, իսկ ևս 1-ը՝ ներքին զորքերի զինծառայող։ Մեկ անձի ծառայած զորատեսակը հնարավոր չի եղել պարզել։
Ըստ ադրբեջանական ընդդիմադիր լրատվամիջոցների՝ չնայած նրան, որ Ադրբեջանում ռազմական ծախսերը ավելացվում են, զինծառայողների ապահովման և կենցաղային պայմաններում առաջընթաց չկա, ինչի արդյունքում էլ զինծառայողների մահերը շարունակվելու են:
Հետևեք մեզ տելեգրամում
