Իսրայելի վարչապետ Բենյամին Նեթանյահուն ԱՄՆ նախագահ Դոնալդ Թրամփի հետ այսօր երեկոյան կայանալիք հանդիպման ժամանակ կփորձի համոզել Վաշինգտոնին թույլատրել հարված հասցնել իրանական հրթիռային կայաններին։ Այս մասին հաղորդում է The Washington Post (WP)-ը՝ հղում անելով իր աղբյուրներին։
Թերթի տվյալներով՝ Նեթանյահուն շարունակում է Իրանը դիտարկել որպես Իսրայելի շահերի համար տարածաշրջանային սպառնալիք և մտադիր է ԱՄՆ-ի համաձայնությունը ստանալ կա՛մ Իսրայելի ռազմական հարվածների, կա՛մ ամերիկյան ուժերի ուղղակի միջամտության համար։ Իսրայելի վարչապետը նաև կփորձի համոզել իր գործընկերոջը ավելի կոշտ դիրքորոշում ընդունել Գազայի հատվածի հարցում և երաշխիքներ ապահովել «ՀԱՄԱՍ»-ի ստորաբաժանումների բռնի զինաթափման համար՝ նախքան Իսրայելի դուրս գալը անկլավային տարածքներից, որոնք նշված են Թրամփի խաղաղության ծրագրի երկրորդ փուլում։
Ինչպես նշում է The Washington Post-ը, Նեթանյահուն, հավանաբար, չի հասնի իր նպատակներին, քանի որ ամերիկացի առաջնորդը ներկայումս ձգտում է խուսափել Մերձավոր Արևելքում լարվածության սրումից և շարունակել իրականացնել իր սեփական խաղաղարար օրակարգը։
Հետևեք մեզ տելեգրամում
