Չնայած ԱՄՆ-ն քննարկում է Թուրքիային հինգերորդ սերնդի F-35 կործանիչներ վաճառելու հնարավորությունը, Անկարան դրանք չի ստանա։ Դրան դեմ է Իսրայելը։ Այս մասին հայտարարել է Իսրայելի փոխարտգործնախարար Շարեն Հասկելը։
«Մենք մտահոգություններ ունենք հնարավոր վաճառքի վերաբերյալ… Ինքնաթիռում օգտագործվող տեխնոլոգիայի զգալի մասը մշակվել է Իսրայելում։ Եվ, ակնհայտ է, որ մենք այն չենք կիսի նրանց հետ»,-ասել է փոխարտգործնախարարը հունական Kathimerini թերթին տված հարցազրույցում։
Պարբերականը նշում է, որ Իսրայելի իշխանություններին մտահոգում է ԱՄՆ նախագահ Դոնալդ Թրամփի հայտարարություններն առ այն, որ նա «շատ լրջորեն քննարկում է» Թուրքիային F-35-ներ վաճառելու հնարավորությունը: Հասկելը շեշտել է, որ իսրայելական տեխնոլոգիաները նման համաձայնագրի մաս չեն կազմի, եթե «նույնիսկ Անկարան ստանա այդ ինքնաթիռները»:
Հետևեք մեզ տելեգրամում
