Հայ-թուրքական սահմանին գտնվող Ալիջան սահմանային անցակետում իրականացվող աշխատանքների 90%-ը ավարտված է: Այդ մասին նյութ է հրապարակել թուրքական «Anadolu» պետական լրատվական գործակալությունը:
Նշվել է, որ մաքսային և այլ ընթացակարգերի համար նախատեսված շենքերի կառուցմանը զուգընթաց, տեղադրվում են նաև գովազդային վահանակներ և ցուցանակներ, որոնք կխրախուսեն Հայաստանից Թուրքիա ժամանողներին բացահայտել Իգդիրը և հարակից շրջանները:
Ալիջան անցակետ է այցելել նաև Իգդիրի նահանգապետ Էրջան Թուրանը, ով հայտնել է, որ նպատակադրվածություն կա, որ անցակետը կբացվի այս ամսվա վերջին։ Նշվել է, որ Ալիջան սահմանային անցակետի բացումը նոր դարաշրջան կբացի տարածաշրջանի լոգիստիկայի, զբոսաշրջության և գյուղատնտեսության ոլորտներում:
Հետևեք մեզ տելեգրամում
