Հունվարի 29-ին՝ ժամը 14։15-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Շերամի փողոցում գտնվող անձեռոցիկի արտադրամասում հրդեհ է բռնկվել։ Արտադրամասի տարածք է ժամանել մոտ երկու տասնյակ մարտական հաշվարկ։ ՆԳՆ փրկարար ծառայությունից հայտնում են, որ հրդեհի ահազանգը ստանալուն պես դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ, Հրդեհաշիջման և փրկարարական աշխատանքների կազմակերպման բաժնի և Հոգեբանական աջակցության և բժշկական ապահովման վարչության հերթապահ խմբերը։
Հրդեհի բարդությունից ելնելով՝ տեղում հայտարարվել է «Թիվ 3» կանչ․ դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս ինը մարտական հաշվարկ և մարզային փրկարարական վարչության հրշեջ-փրկարարական ջոկատներից երեք մարտական հաշվարկ։
Նշենք, որ հրդեհից տուժել է մեկ քաղաքացի, որին տեղում բուժօգնություն է ցուցաբերվել, նա չի հոսպիտալացվել։
Ստացվում է, որ այս պահին դեպքի վայրում է 18 մարտական հաշվարկ ու հերթապահ խմբերը։
Հետևեք մեզ տելեգրամում
