Իրանի գերագույն առաջնորդ Ալի Խամենեին հայտարարել է, որ եթե ԱՄՆ-ն Իրանի դեմ պատերազմ սկսի, ապա դա կվերածվի տարածաշրջանային պատերազմի: Փոխանցում են իրանական ԶԼՄ-ները:
Խամենեին, անդրադառնալով Իրանին ուղղված ԱՄՆ սպառնալիքներին, ընդգծել է, որ դրանք նոր չեն և միշտ եղել են: «Իրանի ժողովրդին նման բաներով վախեցնել չի կարելի, և Իրանի ժողովուրդը այս խոսքերի ազդեցության տակ չի ընկնում։ Մենք պատերազմ չենք սկսում, բայց յուրաքանչյուրին, ով կցանկանա Իրանի վրա հարձակվել կամ վնաս հասցնել, հուժկու պատասխան կտանք»,- ասել է Իրանի գերագույն առաջնորդը:
Անդրադառնալով Իրան-ԱՄՆ հակամարտության պատմությանը՝ Խամենեին նշել է, որ Վաշինգտոնն իրականում ցանկանում է վերականգնել Իրանի նկատմամբ ազդեցությունը և տիրել Իրանի բնական ռեսուրսներին:
Հետևեք մեզ տելեգրամում
