3 հնարավոր սցենար ԱՄՆ-Իրան հակամարտության ներկա շրջափուլի համատեքստում Իրանի դեմ ԱՄՆ-ի անզիջում և վերջնագրային դիրքավորման պայմաններում այս պահին հնարավոր է զարգացումների 3 հնարավոր սցենար։ Այդ մասին գրում է արաբագետ Արմեն Պետրոսյանը:
Ըստ այդմ.
1. Բանակցություններ ուժի կիրառման սպառնալիքի ներքո, որոնց արդյունքում Իրանը պետք է ամբողջովին հրաժարվի միջուկային ծրագրից, սահմանափակի հրթիռաշինության ոլորտը և տարածաշրջանի շիայական խմբավորումներին աջակցությունը։ Բանակցային գործընթացի մեկնարկն էականորեն կմեղմի լարվածությունը տարածաշրջանում, և կողմերին «դեմքը փրկելու» մանևրների հնարավորություն կընձեռի։
Ի դեպ, ներկայում կողմերի միջև տարածաշրջանային մի քանի երկրների միջնորդությամբ տեղի են ունենում ուղերձների փոխանակումներ։
2. Սահմանափակ թիրախային գործողություններ ռազմական օբյեկտների, բարձրաստիճան զինվորականների և պաշտոնյաների դեմ, ապա պարտադրված բանակցային գործընթացի մեկնարկ։
3. Լայնամասշտաբ պատերազմ, մինչև ցանկալի վերջնարդյունքը՝ վարչակարգի տապալումը։
Հետևեք մեզ տելեգրամում
