Regionmontor.com-ը ներկայացնում է մայիսի 19-ի դրությամբ տարածաշրջանում կորոնավիրուսի տվյալները։ Ստորև ներկայացվում են Թուրքիայի, Ադրբեջանի, Վրաստանի, Իրանի, Հայաստանի և Արցախի COVID-19-ի հետ կապված ընթացիկ տվյալները։
Թուրքիայի առողջապահության նախարար Ֆահրեթթին Քոջայի հրապարակած տվյալների համաձայն՝ 24 ժամվա ընթացքում իրականացվել է 25․141 թեստ, որոնցից 1․158-ի պատասխանը դրական է եղել։
Նույն ժամանակահատվածում գրանցվել է վարակակիրների մահվան 31 դեպք, առողջացել է 1․615 մարդ։ Այսպիսով, ըստ ընդհանուր տվյալների, Թուրքիայում արձանագրվել է կորոնավիրուսով վարակվելու 150․593 հաստատված դեպք և մահվան 4․171 դեպք, առողջացել է 111․577 հիվանդ:
Ադրբեջանում մայիսի 18-ին հաստատվել է կորոնավիրուսով վարակման 113 նոր դեպք, 40 մարդ ապաքինվել է, 1 մարդ՝ մահացել։
Ընդհանուր առմամբ՝ մինչ այժմ Ադրբեջանում գրանցվել է վարակման 3․387 դեպք, 2․055 մարդ ապաքինվել է, իսկ 1․333 մարդ շարունակում է բուժում ստանալ հիվանդանոցում։ Մինչ այժմ կատարվել է 235․910 թեստ։
Վրաստանում վերջին 24 ժամվա ընթացքում գրանցվել է կորոնավիրուսվ վարակվածների 1 դեպք։ Այս մասին հայտնում է Վրաստանի կառավարության կողմից ստեղծված հատուկ Stocov.ge կայքէջը: Այսպիսով, հաստատված 702 դեպքից բուժվողների թիվը կազմում է 233, մահացածների թիվը՝ 12, իսկ բուժված անձանց թիվը՝ 456:
Կարանտինի ռեժիմում գտնվում է 3․914 պոտենցիալ վարակակիր, ստացիոնարում բժիշկների հսկողության տակ է՝ 340 անձ: Բացի դրանից, բուժում են անցնում նաև 3 քաղաքացիներ, ում վարակը հաստատվել է այլ երկրներում:
Իրանի առողջապահության նախարարության հաղորդած տվյալների համաձայն՝ վերջին 24 ժամվա ընթացքում կորոնավիրուսով վարակվածների թիվը երկրում ավելացել է 2․111-ով՝ կազմելով 124․603: Վերջին 24 ժամվա ընթացքում կորոնավիրուսից մահվան 62 դեպք է արձանագրվել։
Մահացած հիվանդների ընդհանուր թիվը կազմում է 7․119։ Ապաքինված հիվանդների թիվը կազմում է 97․173։ Ծանր վիճակում գտնվող հիվանդների թիվը 2․698 է։ Մինչ օրս 716․176 ախտորոշիչ թեստ է անցկացվել։
Հայաստանում մայիսի 19-ի ժամը 11:00-ի դրությամբ հաստատվել է կորոնավիրուսով վարակվածության 218 նոր դեպք և 145 առողջացած, ընդհանուր հաստատված դեպքերի թիվը 5․041 դեպք, որոնցից 2019-ը՝ առողջացած: Այս մասին տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնի կայքը:
Ներկա պահին փաստացի բուժում է ստանում 2․788 պացիենտ: Ընդհանուր առմամբ կատարվել է 43․041 թեստավորում: Կորոնավիրուսի հետևանքով արձանագրված մահվան դեպքերի թիվը հասել է 64-ի, վերջին օրվա ընթացքում ավելացել է ևս 3-ով։
Արցախի Տեղեկատվական շտաբի փոխանցմամբ՝ մայիսի 19-ի դրությամբ երկրում հաստատված Covid-19 դեպքերի թիվը 28 է: Ընդհանուր առմամբ թեստավորվել է 581 քաղաքացի: Մինչ օրս կորոնավիրուսից բուժվել է 8 վարակակիր, մահվան դեպքեր չեն գրանցվել։ Մեկուսացման մեջ է գտնվում 71 քաղաքացի։
Հետևեք մեզ տելեգրամում
