Փետրվարի 6-ին Պակիստանի մայրաքաղաք Իսլամաբադում մահապարտ ահաբեկիչը պայթյուն է իրականացրել մզկիթում՝ ուրբաթօրյա աղոթքի ժամանակ։ Reuters-ի փոխանցմամբ՝ զոհվել է առնվազն 31 մարդ, ևս 169-ը տարբեր աստիճանի վնասվածքներ են ստացել։
Պայթյունը տեղի է ունեցել առավոտյան՝ քաղաքի ծայրամասում գտնվող մզկիթում։ Իրավապահ մարմինների տվյալներով՝ հարձակումը իրականացրել է մահապարտ ահաբեկիչը։ Ոստիկանությունը հայտնել է, որ հարձակվողին փորձել են կանգնեցնել մզկիթի մուտքի մոտ, սակայն վերջինս հասցրել է գործի դնել պայթուցիկ սարքը։
Այս պահի դրությամբ որևէ ահաբեկչական խմբավորում պատասխանատվություն չի ստանձնել տեղի ունեցածի համար։
Հետևեք մեզ տելեգրամում
