Իգդիրի նորանշանակ նահանգապետ Ֆաթիչ Թաշօլարը 2026-ի փետրվարի 8-ին ստուգայց է կատարել Ալիջան սահմանային անցակետում։ Ստուգայցի ընթացքում հանրությանը տեղեկացրել է անցակետի բացման հետ կապված ընթացքի մասին։
Նշվել է, որ անցակետի ենթակառուցվածքներն ու անվտանգության համակարգերն անցել են վերջին ստուգումները և գտնվում են ամբողջովին պատրաստ վիճակում։
Պետական համապատասխան մարմինների հետ համակարգման ավարտից և անհրաժեշտ դիվանագիտական ընթացակարգերի իրականացումից հետո նպատակ է դրվում անցակետը պաշտոնապես բացել 2026-ի երկրորդ կեսին։ Բացման արարողությանը կմասնակցեն տեղական և պաշտոնատար անձինք, դիվանագիտական ներկայացուցիչներ և ԶԼՄ-ների ներկայացուցիչներ։
Սպասվող արդյունքներ․
1.Ներհամայնքային և առևտրային շարժի/ակտիվության ավելացում
2. Տնտեսական զարգացման ներուժի խթանում
3.Թուրքիայի և Հայաստանի միջև հաղորդակցության և համագործակցության ամրապնդում
4.Զբոսաշրջության և մշակութային տուրիզմի աշխուժացում
5.Անվտանգության և վերահսկողության մեխանիզմների արդիականացում
Թաշօլարը կոչ է արել քաղաքացիներին և համապատասխան շահագրգիռ կողմերին ակտիվ մասնակցել գործընթացին։
Հետևեք մեզ տելեգրամում
