Փետրվարի 10-ին Ամերիկայի Միացյալ Նահանգների փոխնախագահ Ջեյ Դի Վենսը կնոջ հետ այցելել է Ծիծեռնակաբերդի հուշահամալիր։ Նա հարգանքի տուրք մատուցել Հայոց ցեղասպանության զոհերի հիշատակին և ծաղկեպսակ է դրել Ցեղասպանության զոհերի հիշատակը հավերժացնող հուշարձանի մոտ, այնուհետև ծաղիկներ խոնարհել անմար կրակի մոտ։
Նա նաևգրառում է կատարել Հայոց ցեղասպանության թանգարանի պատվավոր հյուրերի հուշամատյանում։
«Կորցրած կյանքերի հանդեպ խորին հարգանքի հիշատակով մենք պատվում ենք հայ ժողովրդի տոկունությունն ու անսասան ոգին։ Թող Ամերիկան և Հայաստանը միասին ձգտեն ապագայի, որտեղ խաղաղություն է և փոխըմբռնում»:
Այցի ավարտին Հայոց ցեղասպանության թանգարան-ինստիտուտի տնօրեն Էդիտա Գզոյանը Ջեյ Դի Վենսին է փոխանցել Հայոց ցեղասպանության և Լեռնային Ղարաբաղի հիմնախնդրի մասին գրքեր:
Հետևեք մեզ տելեգրամում
