ՌԴ նախկին փոխարտգործնախարարը Թուրքիայում դեսպան է նշանակվել

ՌԴ նախագահ Վլադիմիր Պուտինը հրամանագիր է ստորագրել ԱԳ փոխնախարար Սերգեյ Վերշինինին Թուրքիայում Ռուսաստանի դեսպան նշանակելու մասին։ Վերշինինը միաժամանակ ազատվել է ՌԴ փոխարտգործնախարարի պաշտոնից: Նա այդ պաշտոնը զբաղեցնում էր 2018 թվականի մարտի 27-ից։

Վերշինինը կփոխարինի Ալեքսեյ Երխովին, ով 2017 թվականից ստանձնել էր Թուրքիայում Ռուսաստանի դեսպանի պաշտոնը։

Սերգեյ Վերշինինը տիրապետում է արաբերեն, ֆրանսերեն և անգլերեն լեզուների։