Թուրքիայի նախագահ Ռեջեփ Թայիփ Էրդողանը հեռախոսազրույցներ է ունեցել մի շարք երկրների ղեկավարների հետ՝ Իսրայելի և ԱՄՆ-ի կողմից Իրանի դեմ իրականացված հարձակումների և Իրանի պատասխան գործողությունների վերաբերյալ։ Եվրահանձնաժողովի նախագահ Ուրսուլա ֆոն դեր Լայենի հետ հեռախոսազրույցում Էրդողանը նշել է, որ Թուրքիան կոչ է անում բոլոր կողմերին վերադառնալ դիվանագիտական և բանակցային հարթակ, և պատրաստ է աջակցել խաղաղ գործընթացին։
Էրդողանը նաև ցավակցական ուղերձ է հրապարակել Իրանի գերագույն հոգևոր առաջնորդ այաթոլլա Ալի Խամենեիի մահվան կապակցությամբ, որում մասնավորպես ասվում է․
«Եղբայրական Իրանի ժողովրդին՝ ցավակցություն եմ հայտնում իմ երկրի ու ժողովրդի անունից և աղոթում պարոն Խամենեիին հոգու հանգստության համար։ Մենք վճռականորեն շարունակելու ենք մեր ջանքերը, որպեսզի Իրանի ժողովուրդը և տարածաշրջանի մեր բոլոր բարեկամներն ու եղբայրները կրկին հասնեն խաղաղության և կայունության, որին իրենք արժանի են, և տարածաշրջանում ընթացող հակամարտությունը ավարտվի ու տեղի ունենա վերադարձ դիվանագիտությանը»։
Հետևեք մեզ տելեգրամում
