Թուրքիայի խորհրդարանի նախագահ Ն․ Քուրթուլմուշը, ելույթ ունենալով համալսարանների ռեկտորների հետ կազմակերպված ընթրիքին, անդրադարձել է տարածաշրջանային վերջին զարգացումներին։
Քուրթուլմուշը նշել է, որ Թուրքիան այս ճգնաժամի սկզբից և մյուս տարածաշրջանային ճգնաժամերի ժամանակ միշտ կոչ է արել չփակել դիվանագիտության ճանապարհը և բոլոր հարցերը լուծել բանակցությունների միջոցով։
«Նույնիսկ այս վերջին պատերազմի սկսվելուց առաջ բոլոր կողմերի հետ բանակցություններ էին ընթանում, սակայն ցավոք, երբ դեռ բանակցությունները շարունակվում էին սեղանի շուրջ, Նեթանյահուի կառավարության ճնշմամբ ԱՄՆ-ն նույնպես ներգրավվեց պատերազմում։ Մենք ինչ էլ որ լինի, այս տարածաշրջանում պատերազմ չենք ուզում։ Մենք չենք ուզում անկայունություն։ Մենք չենք ուզում, որ տարածաշրջանը ավելի բաժանվի և մասնատվի։ Մենք չենք ուզում, որ ժողովուրդների միջև թշնամանք սերմանվի։ Այդ պատճառով ասում ենք՝ եթե այս տարածաշրջանում ամուր կանգնենք մեր ոտքերի վրա, Թուրքիան կդառնա ոչ միայն իր, այլև ամբողջ տարածաշրջանի ժողովուրդների անվտանգության երաշխավորը»,-ասել է նա։
Հետևեք մեզ տելեգրամում
