Արցախի և Սյունիքի ավանդական ժենգյալով հացը ներառվել է «The New York Times»-ի կողմից կազմված Լոս Անջելեսում պարտադիր համտեսելու 25 ուտեստների ցանկում։
Պարբերականը խորհուրդ է տալիս այցելել 2019 թվականին Գլենդելում (Կալիֆոռնիա, ԱՄՆ) բացված «Zhengyalov Hatz» ռեստորան և փորձել «12 տեսակի կանաչիներով լցոնված ախորժելի հացը, որը պատրաստվում է հին ավանդական բաղադրատոմսով»։
Michelin ուղեցույցում նշված այս հաստատությունը հայտնի է ոչ միայն իր թարմ ու համեղ ժենգյալով հացով, այլև յուրահատուկ մթնոլորտով․ ինտերիերը ձևավորված է հին Երևանի ոճով, իսկ սրահում հնչող հայկական երաժշտությունը ստեղծում է հատուկ տրամադրություն։
Հետևեք մեզ տելեգրամում
