Հայաստանի Հանրապետությունը կարող է դառնալ էներգետի առումով ինքնաբավ երկիր՝ հատկապես արևային էներգիայի զարգացման շնորհիվ։ Այս մասին կառավարության այսօրվա նիստում նշել է վարչապետ Նիկոլ Փաշինյանը։
Նրա խոսքով՝ դրա համար առաջնահերթ անհրաժեշտ է փոխել էներգետիկ մտածողությունը։
Փաշինյանը նշել է, որ Գերմանիա կատարած վերջին այցից վերադարձել է դրական նորություններով՝ ընդգծելով, որ արևային տեխնոլոգիաները արդեն հնարավորություն են տալիս արտադրել ինչպես ակտիվ, այնպես էլ ռեակտիվ էներգիա։ Նա նաև շեշտել է, որ այժմ կարևոր է կենտրոնանալ էներգիայի կուտակման վրա, որպեսզի արևի առկայության ժամանակ հնարավոր լինի հավաքել էներգիան և այն օգտագործել մինչև հաջորդ լուսավոր շրջանը՝ այդ սկզբունքով ձևավորելով երկրի էներգետիկ ռազմավարությունը։
Հետևեք մեզ տելեգրամում
