Եվրոպայում վառելիքի գները զգալիորեն աճել են Մերձավոր Արևելքի ճգնաժամի ֆոնին

Նավթի և դիզելային վառելիքի գները Եվրոպայում զգալիորեն աճել են Մերձավոր Արևելքում ճգնաժամի սրման հետևանքով։ Այդ մասին հայտնում է «Euronews Business»-ը՝ ներկայացնելով մարտի 30-ի դրությամբ դրանց գները։ Եվրամիությունում բենզինի գները 2026-ի ապրիլի սկզբին մոտ 15%-ով բարձր են, իսկ դիզելային վառելիքի գները՝ շուրջ 30%-ով՝ 2026-ի փետրվարի վերջի համեմատ։

Եվրամիությունում 2026-ի մարտի 30-ի դրությամբ Euro-super 95 բենզինի միջին գինը կազմել է մեկ լիտրի համար 1.871 եվրո, իսկ դիզելային վառելիքինը՝ 2.076 եվրո։ Եվրամիության երկրներում դիզելային վառելիքի գները մեկ լիտրի համար տատանվում են՝ օրինակ Մալթայում 1.21 եվրո է, իսկ Նիդերլանդներում 2.46 եվրո։

Դիզելի ամենաբարձր գները գրանցվել են նաև Դանիայում (2.36 եվրո), Գերմանիայում (2.29 եվրո), Ֆինլանդիայում (2.27 եվրո) և Բելգիայում (2.23 եվրո)։ Միջինից բարձր դիզելային գներ են նաև Ավստրիայում (2.20 եվրո), Ֆրանսիայում (2.19 եվրո), Իռլանդիայում (2.18 եվրո), Շվեդիայում (2.15 եվրո), Լիտվայում (2.12 եվրո) և Հունաստանում (2.12 եվրո)։

Դիզելային վառելիքի ամենացածր գները գրանցվել են Մալթայում (1.21 եվրո), Հունգարիայում (1.62 եվրո ), Սլովենիայում (1,62 եվրո) և Բուլղարիայում (1.62 եվրո): Բենզինի ամենաբարձր գներ ունեցող երկրները հիմնականում նույնն են, ինչ դիզելի դեպքում։ Euro-super 95 բենզինը Դանիայում արժե 2.23 եվրո, Գերմանիայում՝ 2.13 եվրո, իսկ Ֆինլանդիայում՝ 2.05 եվրո մեկ լիտրի համար։ Բենզինի գները գերազանցում են 2 եվրոն նաև Հունաստանում (2.05 եվրո) և Ֆրանսիայում (2.01 եվրո)։

Թեև ԵՄ-ում ամենացածր բենզինի գինը Մալթայում (1.34 եվրո) է, այնումանենայնիվ էական տարբերություն չկա, քանի որ Բուլղարիայում ևս ցածր է գինը մոտ՝ 1.44 եվրո։

Euro-super 95-ի գները 1.60 եվրոյից ցածր են Սլովենիայում (1.51 եվրո), Հունգարիայում (1/54 եվրո), Իսպանիայում (1.56 եվրո), Սլովակիայում (1.58 եվրո) և Կիպրոսում (1.58 եվրո)։