Անթալիայում կայացել է Ալիև-Էրդողան հանդիպումը

Թուրքիայի նախագահի աշխատակազմի հանրային կապերի վարչությունը հայտնել է, որ Անթալիայի դիվանագիտական ֆորումի շրջանակներում տեղի է ունեցել Թուրքիայի և Ադրբեջանի նախագահների հանդիպումը։

Նշվել է, որ Էրդողանը և Ալիևը քննարկել են Թուրքիա-Ադրբեջան երկկողմ հարաբերությունները, ինչպես նաև տարածաշրջանային և գլոբալ հարցերը։
Թուրքիայի նախագահը նշել է, որ Թուրքիան և Ադրբեջանը վճռական են խորացնելու համագործակցությունը առևտրի, էներգետիկայի և պաշտպանական արդյունաբերության ոլորտներում։

Նա ընգծել է նաև, որ իրենք միասին են կրում Իրանում պատերազմի բացասական ազդեցությունները որպես տարածաշրջանի երկրներ, իսկ զարգացումները կառավարում են ողջախոհությամբ և սառնասրտությամբ։

Էրդողանն անդրադարձել է նաև Հայաստան-Ադրբեջան խաղաղության գործընթացին՝ նշելով, որ Թուրքիան գոհունակությամբ է ընդունում Հայաստանի և Ադրբեջանի միջև մնայուն խաղաղության ուղղությամբ իրականացվող քայլերը և շարունակելու է աջակցել այս գործընթացին։