Ուկրաինան դիմել է Թուրքիային՝ առաջարկելով այնտեղ կազմակերպել նախագահ Վլադիմիր Զելենսկու և Ռուսաստանի նախագահ Վլադիմիր Պուտինի հանդիպումը։ Այս մասին հայտարարել է երկրի գլխավոր դիվանագետը՝ ընդգծելով, որ Կիևը փորձում է վերակենդանացնել կանգ առած խաղաղ բանակցությունները։
Ինչպես հաղորդում է «Reuters»-ը, Ուկրաինայի արտգործնախարար Անդրեյ Սիբիհան նշել է, որ իր երկիրը պատրաստ է քննարկել հանդիպման անցկացումը ցանկացած այլ երկրում՝ բացի Ռուսաստանից և Բելառուսից։ «Եթե հանդիպումը կազմակերպվի Ռուսաստանից և Բելառուսից դուրս որևէ երկրում, մենք պատրաստ ենք մասնակցել»,- ասել է նա։
Ավելի վաղ Կրեմլի խոսնակ Դմիտրի Պեսկովը հայտարարել էր, որ Պուտինի և Զելենսկու հնարավոր հանդիպումը կարող է կայանալ միայն Մոսկվայում։ Իր հերթին, Ուկրաինայի նախագահը բազմիցս նշել է, որ չի պատրաստվում մեկնել Մոսկվա։
Ուկրաինան դիմել է Թուրքիային՝ կազմակերպելու Զելենսկի-Պուտին հանդիպումը․ ԱԳ նախարար
Հետևեք մեզ տելեգրամումՎերջին լուրեր
