Մայիսի 27-ին Իրանը բացել է Իրաքի հետ սահմանին գտնվող Բազարգան անցակետը: Սպասվում է, որ գալիք շաբաթ կբացվի նաև Շալամչե անցակետը առևտուր իրականացնելու համար: Այս մասին մայիսի 28-ին հաղորդել է իրանական IRNA լրատվական գործակալությունը:
Բասրայի իրաքյան մաքսային ներկայացուցիչ Ադնան Աբդուլլահը հայտարարել է, որ Շալամչի սահմանային անցակետը (Բասրայի նահանգ) կբացվի մեկ շաբաթից: Նա նշել է, որ որոշվել է սահմանային անցակետում բեռնատար մեքենաների ախտահանման համար սանիտարական կայան կառուցել:
Ըստ իրաքյան լրատվամիջոցների, Իրաքը նաև պատրաստվում է բացել Մեհրանի սահմանային անցակետը: Ներկայումս հարևան երկրների հետ Իրանի սահմանային 31 անցակետերից 17-ը բաց և ակտիվ են:
Հետևեք մեզ տելեգրամում
