Ռազմական գործողությունների վերսկսումը կունենա «ավելի մեծ անակնկալներ». Իրանի ԱԳՆ

Իրանի արտաքին գործերի նախարար Աբբաս Արաղչին հայտարարել է, որ ռազմական գործողությունների վերսկսման դեպքում դրանք կուղեկցվեն «ավելի մեծ անակնկալներով»։ Այս մասին նա գրել է X սոցիալական հարթակում։
«Ելնելով ձեռք բերված փորձից և ստացած դասերից՝ ռազմական գործողությունների վերսկսումը կուղեկցվի «ավելի մեծ անակնկալներով»»,-գրել է Իրանի ԱԳ նախարարը։
Արաղչիի խոսքով՝ հակամարտության սկսվելուց ամիսներ անց ԱՄՆ Կոնգրեսը ընդունել է, որ ոչնչացվել է արժեքավոր ռազմական տեխնիկա՝ այդ թվում տասնյակ ինքնաթիռներ։ Նա նաև նշել է, որ իրանական զինված ուժերին, ըստ իր հայտարարության, հաջողվել է խոցել F-35 կործանիչ, որը ներկայացվում է որպես ժամանակակից և լայնորեն կիրառվող մարտական ինքնաթիռ։

Months after initiation of war on Iran, US Congress acknowledges loss of dozens of aircraft worth billions.

Our powerful Armed Forces are confirmed as 1st to strike down a touted F-35.

With lessons learned and knowledge we gained, return to war will feature many more surprises.
— Seyed Abbas Araghchi (@araghchi) May 19, 2026

Ավելի վաղ տեղեկացրել էինք ԱՄՆ նախագահ Դոնալդ Թրամփի այն հայտարարության մասին, ըստ որի հնարավոր է՝ ԱՄՆ-ը առաջիկա օրերին, այդ թվում՝ ուրբաթ օրը, իրականացնի նոր հարվածներ Իրանի ուղղությամբ։