Ռուսաստանի հետ հարաբերություններում մենք կտրուկ գործողությունների չենք գնալու. Փաշինյան

Հայաստանի իշխանությունները Ռուսաստանի հետ հարաբերություններում կտրուկ գործողություններ չեն անի։ Այս մասին նախընտրական քարոզարշավի շրջանակներում Լոռու մարզի Շնող բնակավայրում բնակիչների հետ հանդիպման ժամանակ հայտարարել է ՀՀ վարչապետ Նիկոլ Փաշինյանը։

Փաշինյանը նշել է, որ իր և Ռուսաստանի նախագահի միջև առկա են ընկերական հարաբերություններ, ընդգծելով, որ վերջին տարիներին ունեցել են ավելի քան 200 հեռախոսազրույց։ Նրա խոսքով՝ նմանատիպ ջերմ հարաբերություններ կան նաև Ռուսաստանի կառավարության ղեկավարի հետ։ Նա հավելել է, որ Հայաստանի իշխանությունները չեն արել և չեն անի քայլեր, որոնք կարող են վնասել Ռուսաստանի շահերին։

Միևնույն ժամանակ Փաշինյանը ընդգծել է, որ Հայաստանը առաջնորդվում է սեփական պետական շահերով և չի կարող դրանք ստորադասել որևէ այլ երկրի շահերին։ Նրա խոսքով՝ բարձր մակարդակի երկխոսությունը կշարունակվի։