Հունիսի 1-ին ՀՀ վարչապետ Նիկոլ Փաշինյանը և Ռուսաստանի Դաշնության նախագահ Վլադիմիր Պուտինը հեռախոսազրույց են ունեցել: Նրանք քննարկել մայիսի 29-ին Աստանայում կայացած Եվրասիական տնտեսական բարձրագույն խորհրդի նիստի արդյունքները:
Կրեմլի մամուլի ծառայության հաղորդմամբ՝ հեռախոսազրույցի ընթացքում Պուտինը նաև շնորհավորել է Նիկոլ Փաշինյանին ծննդյան օրվա կապակցությամբ։
ՀՀ կառավարության տարածած հաղորդագրության մեջ նշվել է, որ զրուցակիցները մտքեր են փոխանակել երկկողմ և բազմակողմ օրակարգի ընթացիկ հարցերի շուրջ։ ՀՀ վարչապետը ՌԴ նախագահին շնորհակալություն է հայտնել տարընթերցումների առիթ տվող մի շարք հարցերի վերաբերյալ հավասարակշռված դիրքորոշումների, բարեկամական տոնայնության, ինչպես նաև աջակցության համար։
Զրուցակիցները պայմանավորվել են քննարկումները շարունակել առաջիկա հարմար առիթով՝ հանդիպման ձևաչափով։
Հետևեք մեզ տելեգրամում
