Պատերազմի մեկնարկից ի վեր Իրանն ԱՄՆ-ի առնվազն 20 ռազմական օբյեկտ է վնասել Մերձավոր Արևելքում։ Այս մասին նշվում է BBC-ի փաստերի ստուգման բաժնի (BBC Verify) վերլուծությունում, որն արվել է արբանյակային պատկերների ուսումնասիրության հիման վրա:
Վերլուծության համաձայն՝ թիրախները գտնվել են ութ երկրներում՝ Սաուդյան Արաբիայում, Արաբական Միացյալ Էմիրություններում, Քաթարում, Քուվեյթում, Իրաքում, Հորդանանում, Բահրեյնում և Օմանում։ Վնասներ են հասցվել հակաօդային պաշտպանության համակարգերին, վառելիք լիցքավորող ինքնաթիռներին և ռադարային կայաններին։ Վնասի ընդհանուր ծավալը կարող է կազմել միլիոնավոր դոլարներ։
Փորձագետների դիտարկմամբ՝ վնասներ կրած օբյեկտների քանակը կարող է ավելի մեծ լինել՝ հասնելով շուրջ 30-ի, սակայն արբանյակային որոշ պատկերների հասանելիությունը սահմանափակվել է, ինչը դժվարացնում է ամբողջական գնահատականը։
ԱՄՆ պաշտպանության նախարարությունը հրաժարվել է մեկնաբանել այդ տվյալները։
Հետևեք մեզ տելեգրամում
