Ռուսական բանակը հունիսի 9-ի գիշերը անօդաչու թռչող սարքերով և հրթիռներով հարվածներ է հասցրել Ուկրաինայի Խարկովի մարզին, ինչի հետևանքով զոհվել է առնվազն 3 մարդ, ևս 18-ը տարբեր աստիճանի վնասվածքներ են ստացել։
Տուժածների հիմնական մասը՝ 15 վիրավոր, գրանցվել է անմիջապես Խարկով քաղաքում: Քաղաքապետ Իգոր Տերեխովի փոխանցմամբ՝ արձանագրվել է ԱԹՍ-ների առնվազն 11 հարված։ Կորուստների մյուս մասն արձանագրվել է Խարկովից 28 կմ հարավ-արևելք գտնվող Չուգուև քաղաքում, որտեղ ռուսական հրթիռային հարձակման հետևանքով զոհվել է 3 և վիրավորվել ևս 3 քաղաքացի։
Հիշեցնենք, որ հունիսի 2-ին Ռուսաստանը իրականացրել էր լայնածավալ օդային հարձակում Ուկրաինայի մի շարք քաղաքների, այդ թվում՝ Կիևի ուղղությամբ։ Ուկրաինական պաշտոնական տվյալներով՝ այդ հարվածների հետևանքով զոհվել էր առնվազն 23 մարդ, այդ թվում՝ երկու երեխա, իսկ շուրջ 130 մարդ վիրավորվել էր։
Հետևեք մեզ տելեգրամում
