Ռուսաստանից Ադրբեջանի միջոցով Հայաստան է ուղարկվում 12 վագոն պարարտանյութ՝ ընդհանուր շուրջ 828 տոննա, ինչպես նաև 6 վագոն անտրացիտ տեսակի ածուխ՝ մոտ 414 տոննա ծավալով։ Այս մասին հայտնում են ադրբեջանական ԶԼՄ-ները:
Ադրբեջանի տարածքով մինչև այժմ Հայաստան է տեղափոխվել ավելի քան 29,000 տոննա հացահատիկ, շուրջ 6,000 տոննա պարարտանյութ, ինչպես նաև ալյումին և հնդկաձավար։ Տարանցիկ մատակարարումներից զատ, Ադրբեջանից Հայաստան է արտահանվել նաև նավթամթերք, այդ թվում՝ դիզելային վառելիք և բենզինի տարբեր տեսակներ։





