Ազովի ծովում երկու առևտրային նավերի վրա իրականացված հարձակման հետևանքով մահացած Ադրբեջանի քաղաքացիների թիվը հասել է վեցի։ Այս մասին հայտնել է Ադրբեջանի արտաքին գործերի նախարարությունը։ Գերատեսչության տվյալներով՝ նավերը, որոնք չեն նավարկել Ադրբեջանի դրոշի ներքո, հունիսի 5-ին Թուրքիայից ուղևորվում էին դեպի Ռուսաստանի Դոնի Ռոստով քաղաք։
Միջադեպից հետո ռուսական կողմը հայտարարել էր, որ հարվածն ուկրաինական կողմն է իրականացրել։ Ուկրաինան, իր հերթին, հայտնել է, որ նույն օրը Մարիուպոլի և Բերդյանսկի մերձակայքում թիրախավորել է հինգ նավ, որոնք, Կիևի պնդմամբ, ներգրավված էին անօրինական մատակարարումների իրականացման մեջ։
Հետևեք մեզ տելեգրամում
