ԻսրԻսրայելի վարչապետ Բենիամին Նեթանյահուն ԱՄՆ նախագահ Դոնալդ Թրամփի հետ զրույցում հայտարարել է, որ Իսրայելը չի պատրաստվում դուրս բերել իր զորքերը Լիբանանի տարածքից և չի ընդունում «լիբանանյան դրույթը» ԱՄՆ-ի ու Իրանի միջև ձեռք բերված համաձայնությունում։
Իսրայելական աղբյուրների փոխանցմամբ՝ Նեթանյահուն ընդգծել է, որ Իսրայելի պաշտպանության բանակը Լիբանանում կմնա ներկայիս դիրքերում և կշարունակի գործողությունները «Հեզբոլլահ» շարժման դեմ, ներառյալ՝ ենթակառուցվածքների ոչնչացումը և Իսրայելի նկատմամբ ցանկացած հարձակման պատասխան գործողությունները։
Իսրայելի ազգային անվտանգության նախարար Իտամար Բեն-Գվիրն իր հերթին նշել է, որ հրեական պետությունը չի կարող ընդունել այն պայմանները, որոնք, նրա խոսքով, չեն ապահովում երկրի անվտանգությունը։ Նա ընդգծել է, որ Իսրայելը «անկախ և ինքնիշխան պետություն է» և չի ենթարկվում Վաշինգտոնին՝ հավելելով, որ համաձայնագիրը Իսրայելի համար ոչինչ չի պարտադրում։ Բեն-Գվիրի խոսքով՝ Իսրայելը չի կարող հրաժարվել այն տարածքներից, որոնք, նրա բնորոշմամբ, «ՑԱՀԱԼ-ը ազատել է ահաբեկչական ենթակառուցվածքներից», և չի ընդունում ոչ մի զիջում «Հեզբոլլահի» նկատմամբ։
Հիշեցնենք, որ Իրանը և ԱՄՆ-ն համաձայնեցրել են պատերազմի դադարեցման վերաբերյալ հուշագրի տեքստը, որի ստորագրումը նախատեսվում է հունիսի 19-ին։ Հուշագրով պատերազմի դադարեցում է նախատեսվում բոլոր ճակատներում, այդ թվում՝ Լիբանանում:
Հետևեք մեզ տելեգրամում
