Եվրասիական զարգացման բանկը (ԵԱԶԲ) հրապարակել է «Մակրոտնտեսական կանխատեսում 2026 – 2028 թթ.» զեկույցը, որի համաձայն՝ ՀՀ-ում 2026 թ. համար կանխատեսվել է 6%, իսկ 2027 թ. համար՝ 5.7% տնտեսական աճ։ Այս մասին հայտնում է EconoMood-ը:
Նախորդ՝ դեկտեմբերյան կանխատեսման համեմատ բարելավել են ինչպես 2026 թ. (0.7 տոկոսային կետով), այնպես էլ 2027 թ. (0.4 տոկոսային կետով) գնահատականները:
ԵԱԶԲ կանխատեսմամբ՝ ՀՀ-ում գնաճը 2026 թ. վերջին կկազմի 4.4%, իսկ 2027 թ.՝ 3.9%՝ համաշխարհային շուկաներում էներգակիրների և սննդամթերքի գների աճի հետևանքով։
2026 թ. ակնկալվում է, որ դրամի տարեկան միջին փոխարժեքը կամրապնդվի մինչև 376 դրամ 1 դոլարի դիմաց՝ արտահանման վերականգնման և զբոսաշրջության ակտիվության պայմաններում։
2026 թ. համար եվրասիական տարածաշրջանի երկրներից համեմատաբար բարձր աճ է կանխատեսվել Ղրղզստանում՝ 10.2% և Տաջիկստանում՝ 8.3%: Ուզբեկստանում ակնկալվում է տնտեսական աճի 7.9%, Ղազախստանում՝ 5.5%, իսկ Բելառուսում և ՌԴ-ում՝ համապատասխանաբար 1.3% և 1% մակարդակ:
Հետևեք մեզ տելեգրամում
