Վրաստանում մեկնարկել է Վրաստան-Թուրքիա-Ադրբեջան հատուկ նշանակության ուժերի «Կովկասյան արծիվ» եռակողմ զորավարժությունը։ Պաշտոնական բացումն անցկացվել է Մուխրովանիում տեղակայված հատուկ նշանակության ուժերի ուսումնական կենտրոնում, որին ներկա են եղել Վրաստանի պաշտպանության նախարարի առաջին տեղակալն ու Վրաստանում Թուրքիայի և Ադրբեջանի դեսպանները։ Այս մասին հայտնում է Վրաստանի ՊՆ-ն:
Վարժանքների հայտարարված նպատակն է բարձրացնել Վրաստանի, Ադրբեջանի և Թուրքիայի զինված ուժերի հատուկ նշանակության ստորաբաժանումների կարողությունների սինքրոն աշխատանքը և համակարգումը, փոխգործակցությունը։ Նշվում է, որ զարավարժության ժամանակ մասնակիցները կենտրոնանալու են փոքր ստորաբաժանումների մարտավարության և նրանց խնդիրների կատարման վրա:
«Կովկասյան արծիվ» հատուկ գործողությունների զորավարժություններն անցկացվում են ամեն տարի՝ ռոտացիոն հիմունքներով։
Հետևեք մեզ տելեգրամում
