Վրաստանի շրջակա միջավայրի պաշտպանության և գյուղատնտեսության նախարարությունը հաղորդագրություն է տարածել՝ նշելով, թե հայկական ծագման արտադրանքը չի վերաարտահանվում ՌԴ՝ այլ երկրի անվան տակ։
«Նախարարությունը կտրականապես հերքում է հայկական լրատվամիջոցների կողմից տարածված տեղեկատվությունը հայկական արտադրանքի ծագման վայրի փոփոխության և Ռուսաստանի Դաշնության տարածք բեռների ներմուծման վերաբերյալ՝ մեկ այլ հարևան երկրի անունից վերաարտահանման նպատակով։
Նախարարությունը կարծում է, որ նման տեղեկատվության տարածումը սպեկուլյատիվ բնույթ է կրում և ոչ միայն չի համապատասխանում իրականությանը, այլև ստվեր է գցում մեր երկրների տնտեսական հարաբերությունների վրա։ Մենք խորը մտահոգություն ենք հայտնում հարևան երկրում քաղաքական պայքարի նման կոպիտ ձևերի վերաբերյալ, որտեղ մեր երկիրը ներգրավված է անհիմն ձևերով»,- ասվում է հաղորդագրության մեջ։
Հետևեք մեզ տելեգրամում
