ԱՄՆ փոխնախագահ Ջեյ Դի Վենսը արձագանքել է Իրանի հետ գործարքի վերաբերյալ Իսրայելի պաշտոնյաների քննադատություններին՝ հայտարարելով, որ Իսրայելը գտնվում է միջազգային խորը մեկուսացման մեջ, իսկ նրա առաջնորդները չեն գնահատում ամերիկյան դիվանագիտական և ռազմական աջակցությունը։ Այս մասին հայտնում է Associated Press լրատվական գործակալությունը:
Վենսն ընդգծել է, որ Դոնալդ Թրամփն այս պահին աշխարհում միակ պետության ղեկավարն է, որը համակրում է Իսրայելին, և ցանկացած ոք Իսրայելում, ով կարծում է, թե իրենց ամենամեծ խնդիրը ԱՄՆ նախագահն է, պետք է արթնանա ու սթափ գնահատի իրականությունը։
Վենսը, մատնանշելով Նեթանյահուի հրապարակային զսպվածությունը, Իսրայելի կառավարության անդամներին մեղադրել է ապերախտության մեջ: Նա շեշտել է, որ Իսրայելը միջազգային հանրությունում գրեթե չունի ընկերներ և պաշտպանություն է ապահովում բացառապես հսկայական քանակությամբ զենքի շնորհիվ, որի համար վճարել է Միացյալ Նահանգները:
Վենսի այս կոշտ հայտարարությունների վերաբերյալ Իսրայելի վարչապետ Բենիամին Նեթանյահուի գրասենյակը հրաժարվել է որևէ մեկնաբանություն տրամադրել:
Հետևեք մեզ տելեգրամում
