Գյումրի-Մոսկվա չվերթ իրականացնող ուղևորատար ինքնաթիռը տագնապի ազդանշան է տվել թռիչքի ընթացքում և վայրէջք կատարել Ռուսաստանի Մախաչկալա քաղաքում գտնվող պահուստային օդանավակայանում, հայտնում է ՏԱՍՍ-ը։
«Պոբեդա» ավիաընկերությանը պատկանող ինքնաթիռը, որը ուղևորվում էր Գյումրիից դեպի Մոսկվա, բարեհաջող վայրէջք է կատարել պահուստային օդանավակայանում, իսկ ինքնաթիռի տեխնիկական վիճակը ներկայումս ուսումնասիրվում է մասնագետների կողմից։
Նշվում է, որ ինքնաթիռը Boeing է, որը Գյումրիից օդ է բարձրացել Մոսկվայի ժամանակով 11:24-ին։ Թռիչքից մոտ մեկ ժամ անց՝ Դաղստանի օդային տարածքում, օդանավը տվել է ընդհանուր արտակարգ իրավիճակի ազդանշան և սկսել իջնել մինչև մոտ 3000 մետր բարձրություն։ Ի սկզբանե նախատեսված էր, որ ինքնաթիռը Մոսկվա կհասնի 15:25-ին։
Դեպքի պատճառների վերաբերյալ պաշտոնական մանրամասներ դեռ չեն հրապարակվել։
Հետևեք մեզ տելեգրամում
