Ռուսաստանը հույս ունի, որ Հայաստանը վերջնականապես կընտրի զարգացման այն ուղին, որը կապված է Եվրասիական տնտեսական միության (ԵԱՏՄ) հետ, քանի որ այդ ինտեգրացիոն գործընթացը, ըստ Մոսկվայի, առավել շահավետ է, քան Եվրամիությանն անդամակցելու հեռանկարը։ Այդ մասին, «ՏԱՍՍ» գործակալության փոխանցմամբ, հայտարարել է ՌԴ նախագահի մամուլի քարտուղար Դմիտրի Պեսկովը։
«Մենք համոզված ենք, որ հենց ԵԱՏՄ-ի շրջանակում ընթացող ինտեգրացիոն գործընթացը ամեն տարի զգալի ներդրում է ունենում Հայաստանի ՀՆԱ-ի աճի մեջ։ Կարծում ենք, որ իր որակական բոլոր բնութագրերով մեր ինտեգրացիոն գործընթացը զգալիորեն գերազանցում է այլընտրանքային տարբերակներին», – ասել է Պեսկովը։
Նրա խոսքով՝ Ռուսաստանը հույս ունի, որ ինչպես հայ ժողովուրդը, այնպես էլ Հայաստանի ներկայիս ղեկավարությունը իրավիճակի վերլուծության արդյունքում կգան նույն եզրակացության։
Կրեմլի ներկայացուցիչը նշել է նաև, որ Հայաստանը ներկայում գտնվում է իր հետագա զարգացման ուղին ընտրելու գործընթացում, ինչը կարևոր նշանակություն ունի Մոսկվայի համար՝ հաշվի առնելով երկու երկրների պատմական հարաբերությունները։
Հետևեք մեզ տելեգրամում
