ԱՄՆ նախագահ Դոնալդ Թրամփին են ներկայացվել Իրանում ռազմական գործողությունների ընդլայնման մի քանի սցենարներ, որոնք քննարկվել են Սպիտակ տանը կայացած խորհրդակցության ժամանակ՝ նպատակ ունենալով սաստկացնել ճնշումը Թեհրանի վրա և թուլացնել վերջինիս վերահսկողությունը Հորմուզի նեղուցի նկատմամբ։ Այս մասին հայտնում է CNN-ը:
Ըստ լրատվամիջոցի՝ ամերիկյան կողմն այժմ դիտարկում է Իրանի արտահանման գլխավոր հանգույց հանդիսացող Խարգ կղզին գրավելու և Քոլանգ լեռան ստորգետնյա համալիրները ռմբակոծելու հնարավորությունը։
Միևնույն ժամանակ ԱՄՆ փոխնախագահ և Իրանի հարցով գլխավոր բանակցող Ջեյ Դի Վենսն ընդգծել է, որ պատերազմը հնարավոր չէ հաղթել միայն ռազմական ուժով, և նեղուցով անցնող նավերին սպառնացող վտանգը լիովին չեզոքացնելու համար անհրաժեշտ է պատրաստակամություն ցուցաբերել բանակցելու և խնդրին դիվանագիտական լուծում գտնելու ուղղությամբ
Նշենք, որ վերջին հինգ օրերին ԱՄՆ-ն ամենօրյա հարվածներ է հասցնում Պարսից ծոցի իրանական դիրքերին, այդ թվում՝ նախօրեին թիրախավորելով ռազմավարական նշանակություն ունեցող Մեծ Թոնբ կղզին։
Հետևեք մեզ տելեգրամում
