Եվրահանձնաժողովի նախագահ Ուրսուլա ֆոն դեր Լայենը Կիև կատարած այցի ընթացքում ստիպված է եղել ընդհատել լրագրողների հետ հանդիպումը և պատսպարվել թաքստոցում:
«Euractiv» պարբերականի փոխանցմամբ՝ միջադեպը տեղի է ունեցել «InterContinental» հյուրանոցում, որտեղ Լայենի մամուլի ասուլիսի ժամանակ օդային տագնապի ազդանշան է միացել: Եվրահանձնաժողովի ղեկավարը և լրագրողները իջել են ստորգետնյա ապաստարան:
Մինչ այս միջադեպը, ֆոն դեր Լայենը հայտարարել էր Ուկրաինայի և Եվրոպական միության նոր նախաձեռնությունների մասին։ Նա նաև տեղեկացրել է, որ ԵՄ-ն և Ուկրաինան պաշտպանական-արդյունաբերական գործընկերության նոր համաձայնագիր են կնքել, որը մասնավորապես վերաբերում է անօդաչու թռչող սարքերի արտադրությանը։
Նշենք, որ վերջին շրջանում Մոսկվան ակտիվացրել է Կիևի ուղղությամբ հարվածները:
Հետևեք մեզ տելեգրամում
