Ֆրանսիայի խորհրդարանը օրենք է ընդունել, որով 2027 թվականի հունվարից 15 տարեկանից ցածր անձանց կարգելվի սոցիալական ցանցերից օգտվել։ Օրենքի համաձայն՝ Ֆրանսիայում սոցիալական ցանցերի բոլոր օգտատերերը պետք է անցնեն տարիքային ստուգում։
Նոր հաշիվների համար տարիքային սահմանափակումը կգործի սեպտեմբերից, իսկ 2027 թվականի հունվարից սահմանափակումը կտարածվի նաև արդեն գոյություն ունեցող հաշիվների վրա։
Ֆրանսիան Եվրոպայի առաջին երկիրն է, որը նման արգելք է սահմանում։ Օրենքի կողմնակիցները այն կապում են երեխաների հոգեկան առողջության պաշտպանության անհրաժեշտության հետ, իսկ քննադատները մտահոգություններ են հայտնում անձնական տվյալների գաղտնիության և արգելքը շրջանցելու հնարավորության վերաբերյալ։
Հետևեք մեզ տելեգրամում
