Հուլիսի 21-ին Պաշտպանության նախարարության N զորամասի զինծառայող Ն.Թ.-ի մահվան դեպքի առթիվ նախաձեռնված քրեական վարույթի շրջանակում երկու համածառայակցի նկատմամբ հարուցվել է հանրային քրեական հետապնդում։ Այդ մասին հայտնում է Հայաստանի Քննչական կոմիտեն։
Նախաքննության տվյալներով՝ կրտսեր սերժանտի նկատմամբ քրեական հետապնդում է հարուցվել ՀՀ քրեական օրենսգրքի 522-րդ հոդվածի 2-րդ մասի 1-ին, 2-րդ և 3-րդ կետերով, իսկ շարքային զինծառայողի նկատմամբ՝ նույն հոդվածի 2-րդ մասի 1-ին և 3-րդ կետերով՝ զինծառայողին անզգուշությամբ ինքնասպանության հասցնելու մեղադրանքով։
Քննչական կոմիտեի տեղեկացմամբ՝ վարույթի շրջանակում կրտսեր սերժանտն ու շարքային զինծառայողը ձերբակալվել են։ Նրանց նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան։
Հետևեք մեզ տելեգրամում
