Հայաստանի Հանրապետության վարչապետ Նիկոլ Փաշինյանը տեղեկացրել է, որ հայ-թուրքական հարաբերությունների կարգավորման գործընթացում հայկական կողմի նոր հատուկ բանագնացի թեկնածության հարցը ներկայումս քննարկման փուլում է։ Վարչապետն այս մասին հայտնել է կառավարության նիստին հաջորդած ճեպազրույցի ընթացքում, փոխանցում է Armenpress-ը։
Նիկոլ Փաշինյանի խոսքով՝ հատուկ բանագնացի նշանակման վերաբերյալ վերջնական որոշում դեռևս չկա, քանի որ նախ անհրաժեշտ է Թուրքիայի հետ հաղորդակցության ձևաչափով հստակեցնել հետագա աշխատանքի տրամաբանությունն ու ֆորմատը։ Վարչապետն ընդգծել է, որ համապատասխան որոշումները կկայացվեն հենց այդ քննարկումների արդյունքների հիման վրա:
Հիշեցնենք, որ հայ-թուրքական հարաբերությունների կարգավորման գործընթացում հայկական կողմի նախկին հատուկ բանագնաց Ռուբեն Ռուբինյանը «Քաղաքացիական պայմանագիր» կուսակցության կողմից առաջադրվել է 9-րդ գումարման Ազգային ժողովի նախագահի թեկնածու։
Հետևեք մեզ տելեգրամում
