Ռուսական երկաթուղիներ ընկերության ղեկավար Օլեգ Բելոզյորովը, մեկնաբանելով ՀՀ երկաթուղու վարձակալության հնարավոր վճարների վերաբերյալ Նիկոլ Փաշինյանի հայտարարությունները, նշել է, որ ռուսական կողմը զարմանքով ու ապշահարությամբ է տեղեկացել այդ մասին մամուլից։ Փոխանցում է ТАСС-ը:
Նրա խոսքով՝ «Հարավկովկասյան երկաթուղի» ընկերությունն ու նրա միակ բաժնետեր «Ռուսական երկաթուղիներ»-ն ամբողջությամբ կատարում են 2008 թվականի կոնցեսիոն պայմանագրով ստանձնած պարտավորությունները։
Բելոզյորովն ընդգծել է, որ կոնցեսիան Հայաստանին ապահովել է ժամանակակից երկաթուղով՝ ազատելով պետական բյուջեն դրա վերականգնման և պահպանման ծախսերից։ Նրա փոխանցմամբ՝ ստացված ողջ շահույթն ուղղվել է համակարգի զարգացմանը, իսկ բաժնետիրոջը շահութաբաժիններ երբևէ չեն վճարվել։
«Եթե հայկական կողմը դիտարկում է պայմանագրի դադարեցման կամ դրա պայմանների փոփոխման հնարավորությունը, մենք իրավասու ենք ակնկալելու ներդրված միջոցների վերադարձ»,- հավելել է Բելոզյորովը։
Հետևեք մեզ տելեգրամում
